Нью-Йорктун Бронкс районунда жайгашкан зоологиялык паркта белгисиз аял арстандын жанына барып бийледи. Бул тууралуу чет элдик басылмалар жазышты.
Маалым болгондой, аял парктын арстандар кармалчу жайынын тосмосунан ашып түшүп, жырткычка жакындаган. Андан соң аны карап турган арстанга кол булгалап бийлейт. Аялдын бул жоругу видеого тартылып калган. Парктын администрациясы аялды чыгарып, полицияга кабарлаган.
Азырынча окуянын каарманынын аты-жөнү аныктала элек. Зоологиялык парктын кызматкерлери мындай жоруктар өмүргө тобокелчилик жаратарын айтышат.