super.kg logo

Өкмөт башчы көмүр казуучу компаниялардын ишмердүүлүгүн көзөмөлдөөнү күчөтүүнү тапшырды

 

Премьер-министр Мухаммедкалый Абылгазиев адамдардын өлүмүнө алып келген Баткен облусундагы шахтадагы кырсыкка байланыштуу жыйын өткөрдү. Бул тууралуу өкмөттүн маалымат кызматы кабарлады.

Жыйындын жүрүшүндө Экологиялык жана техникалык коопсуздук боюнча мамлекеттик инспекциясынын директору Жолдошбек Жунушев Баткен облусунун Кадамжай жана Лейлек райондорундагы шахтадан 6 жаран газга ууланып каза болгонун маалымдады.

Анын айтымында, Кадамжай районундагы кырсык шахтанын каралбай калган жана иши токтотулган тилкесинен көмүрдү мыйзамсыз казуу маалында техникалык коопсуздук чараларына этият мамиле кылбагандан улам болгон. Ал эми Лейлек районунда болсо, көмүр казууга лицензия алган компания тараптан коопсуздук талаптары одоно бузулгандан улам үч жаран каза болгон.

Өкмөт башчы тийиштүү мамлекеттик органдарга адамдардын өлүмүнө алып келген кырсыктын себептерин караштырып, тартипке келтирүүнү жана мындай окуялардын кайталанбашы үчүн керек болсо, катаал чараларды көрүүнү тапшырды.

"Иш токтотулган тилкелерде иштөөгө эч кандай жол берилбеш керек. Себеби бул ушундай кесепеттерге, адам өлүмүнө алып келет. Жылытуу сезону жана көмүргө суроо-талап жакындап калганына байланыштуу, жергиликтүү бийлик укук коргоо органдары менен биргеликте шахтага жакын жайгашкан калктуу пункттарда көмүрдү мыйзамсыз казууга жол бербөө үчүн маалыматтык-түшүндүрүү иштерин жүргүзүү керек.

Мындан ары ушундай кырсыктарга жол бербөө үчүн Кыргыз өлкөсүнүн Өзгөчө кырдаалдар министрлиги, Өнөр жай, энергетика жана жер казынасын пайдалануу мамлекеттик комитети жана Экологиялык жана техникалык коопсуздук боюнча мамлекеттик инспекция тез арада алдын алуу чараларынын комплексин жүзөгө ашыруусу абзел. Көмүр кенине лицензиясы бар компаниялар коопсуздук талаптарын толук сакташы керек же адамдардын өмүрүнө, ден соолугуна коркунуч алып келе турган жагдай болсо, иштөө укугунан ажыратылыш керек жана жоопкерчиликке тартылышы зарыл", – деп белгиледи Абылгазиев.

Жыйындын соңунда өкмөт башчы көмүр казуучу компаниялардын ишмердүүлүгүн көзөмөлдөөнү күчөтүүнү натыйжалуу чараларды жүзөгө ашыруу тапшырмасын берди.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(3)
07.10.2019. 15:21 
Тайпасы:
Жаран
Комментарийлердин саны:
346
Катталган:
29-07-2013
Соӊку аракети:
16-10-2019 13:41
Жынысы:
Белгисиз
0
Анда иш табып бергиле козомолдогондун ордуна
07.10.2019. 16:30 
Тайпасы:
Жаран
Комментарийлердин саны:
65
Катталган:
01-03-2019
Соӊку аракети:
16-10-2019 17:33
Жынысы:
Белгисиз
0
Аябай туура чечим, коп компаниялар акчаны кыскартыштын жолун ойлоп, иштоочулорго условияларын тузуп бергенден качышат. Козомол болсо айла жок тузуп беришмек
07.10.2019. 19:53 
Тайпасы:
Жаран
Комментарийлердин саны:
628
Катталган:
09-11-2015
Соӊку аракети:
16-10-2019 20:36
Жынысы:
Белгисиз
0
Мындан кийинби буга чейин айыл окмот губернаторлор каякты карап турушту.Россияда кырсык болуп 3-4 олсо ошол облуста траурный день жарыялайт.А бизде адам олуму кунумдук эле болуп калды .
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
132444;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: