АКШнын тарыхындагы эң көп киши өлтүргөн мыкаачы аныкталды. Ал 93 кишинин өмүрүн кыйгандыгын айтып берген

Сэмюэль Литтл аттуу жаран АКШнын тарыхындагы эң көп киши өлтүргөн мыкаачы деп табылды. Мындай маалыматты АКШнын Федералдык иликтөө бюросу тараткан.

79 жаштагы Сэмюэль Литтл 1970-2005-жылдар аралыгында 93 кишинин өмүрүн алганын моюнуна алган. Алардын көпчүлүгү аялдар болгон. Федералдык иликтөө бюросу анын 50 кылмышка катыштыгы бар экендигин аныктаган. Ал эми калган 43 кылмышты мыкаачы өзү айтып берген. Анын айтканы толугу менен ачылбай келе жаткан кылмыш иштерине дал келген. Кандай жол менен жана кайсы аймакта мыкаачылык менен өлтүргөндүгүн толук сүрөттөп айтып бергени менен, кайсы жылы жана кайсы күнү болгонун так эстей албай койгон. Полиция кызматкерлерин таң калтырганы да, ирээнжиткени да Литтлдин ар бир мыкаачылык ишин эргүү менен айтып бергендиги болгон.

Курмандыгы болгон бир канча аялдын портретин абакта отуруп тартып берген. Ошол сүрөттөрдүн негизинде полиция териштирүү иштерин жүргүзүүдө. АКШнын Федералдык иликтөө бюросу сайт ачып, ал жакка Литтлдин тартып берген сүрөттөрүн жайгаштырган. Сүрөттөгү аялдарды тааныган жарандар полиция менен кызматташып, тергөө ишин жүргүзүүгө жардам бере алышат. Мыкаачынын курмандыгы болгон аялдардын өлүмү учурунда баңгизатынан улам каза болгон же дайынсыз жоголгон деп келинген. Ал эми айрымдарынын сөөгү бүгүнкү күнгө чейин табыла элек.

Сэмюэль Литтл 2012-жылы Кентукки штатында баңги зат сатуу боюнча кармалган. Тергөө ишинин жүрүшүндө 3 кишинин өлүмүнө күнөөлүү экендиги аныкталып, өмүр бою эркинен ажыратылган. Үчөө тең аял киши болгон жана кыйноо менен муунтулуп өлтүрүлгөн. Сэмюэль Литтл абакта отурган учурунда буга чейин 90 аялды өлтүргөнүн айтып берген. Анын курмандыгы болгон аялдардын көпчүлүгү баңгизатына көз каранды жана денесин сатып иштеген сойкулар болгон. Өмүр бою эркинен ажыратылганына карабай, полиция кызматкерлери буга чейин ачылбай калган кылмыш ишин иликтеп, мыкаачынын курмандыгы болгон ар бир маркумдун ишин тыкыр изилдөө керек деп билдиришкен.

20:52 08-10-2019

Автор: Сезим Жумагулова

Жазылуу

РУБРИКАДАГЫ СОҢКУ КАБАРЛАР

15:54 2024-04-25 | Коом жана турмуш

"Акыркы коңгуроо" иш-чарасынын датасы айтылды 46 0

15:41 2024-04-25 | Кылмыштар, кырсыктар

Жалал-Абадда Нарын дарыясына түшүп кеткен 6 жашар бала изделүүдө 74 0

15:06 2024-04-25 | Кылмыштар, кырсыктар

Ошто мурдагы айыл өкмөт башчысы УКМК кызматкерине пара берип жаткан жеринен кармалды 349 0

14:43 2024-04-25 | Саясат

Парламентте өлкөдөгү сел каптоонун негизги себептери айтылды 288 0

14:38 2024-04-25 | Коом жана турмуш

Бишкекте "Алай шырдамалы" фестивалы өттү 214 0

14:23 2024-04-25 | Саясат

Садыр Жапаров Азербайжандын Физули шаарына барды. Аны Алиев өзү тосуп алды (фото) 366 0

Архив

Комментарийлер (9)

Sakubek

2019-10-08 20:59:55

Андай кыздарды туура эле кылган экен анда

Nevestkaa

2019-10-08 21:13:59

Шумдуууук камырабай айтып бериптир го маньяк.

jeenkulov91

2019-10-08 21:34:56

Эчкинин жашындай жашы калыптыр, ичине батпай айтса керекта

Aidar.001

2019-10-08 22:15:06

Калган 100 ун айтканда бул аксакал турмодо калат экен

Jacob.

2019-10-08 22:35:19

Мына чыныгы террорист

rysik79

2019-10-08 23:23:41

120 чимкириктердин суротун тарттырыш керек бул кишиге.

bond02

2019-10-08 23:53:23

Кулиевага кое берип жибербейлиби.

Benazir08

2019-10-09 07:13:02

Болор ишболуптур изилдеп убара болуп эмне кылышат бир адам олтургон кийин да кан тартып кетет олтуруп коюуудан коркпойт да

AykaMer

2019-10-09 08:59:00

Benazir08,биздикилерге окшоп жеп ичип чычып жата бер не кыласыңар издеп дейсинби)))... АКШда андай эмес да. Маркумдардын жакындарыга айтыш керек да кантип өлгөнүн. Бузук жолдо жүрсө дагы адам да жакындары бардыр

Комментарий калтыруу үчүн өз ысымыңыз менен кириңиз же каттоодон өтүңүз.