Кечээ, 17-октябрда 102 кызматына Франциянын Пьер аттуу жараны байланышка чыгып, Флорентина Кариерди аттуу курбусу Кыргыз өлкөсүндө ушул жылдын 9-октябрынан бери дайынсыз болуп жатканын айткан. Бул тууралуу Бишкек шаардык ички иштер башкы башкармалыгы маалымдаган.
Бүгүн, 18-октябрда дайынсыз жоголгон франциялык кыз табылды. Бул тууралуу Facebook колдонуучусу Мурат Исмаилов билдирди. "Флорентина аман-эсен табылды. Балыкчыдан Чоң Кеминге чейин жеткирип койдук. "Чоң Кеминди кыдырып алып, бүгүн Бишкекке барам" деди. Жолдошу Бишкекте экен аны менен телефондон сүйлөштү", - деп жазган Исмаилов.