Бүгүн, 14-ноябрда Бишкекте Кыргыз өлкөсү Катар-2022 Дүйнө чемпиондугуна тандап алуу оюндарынын алкагында Япония менен ойнойт. Оюн Дөлөн Өмүрзаков атындагы стадиондо өтөт.
Беттеш саат 17:15те башталат.
Азыркы тапта Жеңиш аянтынан бери стадионду көздөй 200дөн ашуун күйөрмандар жөө ураан чакырып, шаңдуу бара жатышат. Алардын айтымында, Кыргыз өлкөсүнүн курама командасы жеңет деген ишеним чоң.
Атайын Лейлектен Жоомарт Халил уулу күйөрмандык кылып келген. "Балдар менен чогуу күйөрмандык кылуудабыз. 2 күн мурун атайын Баткен облусунан келдик. Бизде жеңебиз деген ишеним чоң", - деди ал.
SUPER.KG порталы саналуу мүнөттөрдө оюндун жүрүшү боюнча онлайн трансляцияны баштайт жана кызыктуу учурлар камтылган фото-видеолорду жарыялайт.