Ордунан тура калышып... Премьер, спикер, депутаттар стадиондо оюнга күйөрмандык кылып отурушту

Премьер-министр Мухаммедкалый Абылгазиев 2022-жылы өтө турган Дүйнө чемпиондугуна тандоонун алкагында, Бишкектеги Дөлөн Өмүрзаков атындагы стадиондо Япониянын курама командасы менен беттешкен Кыргыз өлкөсүнүн футбол боюнча курама командасын колдоо үчүн стадионго барды. Бул тууралуу өкмөттүн маалымат кызматынан билдиришти.

2022-жылы өтө турган Дүйнө чемпиондугуна Кыргыз өлкөсүнүн улуттук курама командасы F тайпасында Тажикстан, Япония, Мьянма жана Монголия командалары менен ойноп жатат. Футбол боюнча чемпиондуктун финалдык бөлүгү 2022-жылы Катар мамлекетинде өтөт.