Москва РИИБинин кызматкерлери тарабынан ууруга шектелген жаран кармалды. Бул тууралуу аталган бөлүмдөн билдиришти.
Маалыматка ылайык, Беловодское айылынын жашоочусу 1971-жылы туулган Н.О. Москва РИИБине арыз менен кайрылган. Анда 9-декабрь күнү 19:00 чамасында Москва районундагы темир жол вокзалынын жанында бара жатканда белгисиз бирөө моюнундагы кымбат баалуу алтын чынжырды кулону менен (болжолдуу баасы 350 миң сом) үзүп качканын айткан. Аталган факты Кылмыштардын жана жоруктардын бирдиктүү реестрине "уурулук" беренеси (201) менен катталып, сотко чейинки өндүрүшкө алынган. Иликтөөнүн жыйынтыгында 28 жаштагы Чүй облусунун жашоочусу К.А. кылмышка шектелип кармалып, убактылуу кармоочу жайга киргизилген.