Бишкектин Панфилов жана Горький көчөлөрүнүн кесилишинде бүгүн, 3-январь күнү патрулдук милиция кызматынын унаасы жол кырсыгына кабылды. Бул тууралуу Бишкек шаардык жол кыймылынын коопсуздугун камсыздоо башкы башкармалыгынан билдиришти.
Маалыматка ылайык, жол кырсыгы эртең менен саат 07:50 чамасында болгон.
Анда патрулдук милиция кызматынын унаасы Lada Priora унаасы менен сүзүшкөн. Жабыркагандар жок, учурда кырсыктын чоо-жайы такталууда.