super.kg logo

Сүрөтчү Ушаков: "Ак илбирсти коргоо боюнча иштер начар жүрүп жатат"

 

Бүгүн, 13-январда Таластан жарадар болуп алып келинген ак илбирске дагы бир операция жасалышы мүмкүн экендиги айтылды. Бул тууралуу "Бугу-Эне" коомдук фондунун президенти Салтанат Сеитова билдирди.

"Көзүнө ок тийген илбирстин буга чейин деле көзүндө көйгөй болгондугу аныкталды. Ал эми жаракат алгандан кийин ал контузияга чалдыккан. Учурда абалы туруктуу, бирок баары бир бардык прогноздорду абайлап берип жатабыз. Анткени илбирс оор жаракаттарды алган. Биз байкоо жүргүзүп, динамикасын көрөбүз. Дагы бир операция жасалышы мүмкүн. Учурда жаныбар жылуу жерде кармалып турат" , - деди ал.

Мындан тышкары, маалымат жыйыны учурунда сүрөтчү Влад Ушаков ак илбирсти коргоо боюнча секретариат өз ишин жакшы аткарбай жатканын айтты: "Кыргыз өлкөсүндө ак илбирсти сактоо, коргоо боюнча оңдуу деле иш жасалбайт. Броконьерлер менен күрөшүп жатканы менен ал нерсе токтобой келет. Көчмөндөр оюнунда деле илбирстин терилери болду. Алар сатылып жатты. Жарандык коом илбирстин азыктануу базасын сактоо боюнча мараторий киргизүүнү демилгелеп жатканда ак илбирсти сактоо боюнча секретариат тууралуу уккан дагы жокпуз. Илбирстин саны боюнча дагы 350-500 деп ойдон чыгарып жатасыңар. Бул боюнча эч ким илимий санак жүргүзгөн эмес. Бул айтылып жаткан сандар жөн гана сандар. Силер илбирстердин саны 350 болуп кайра бир жылдан кийин 500 болуп калганын кайдан билесиңер. Фотокапкандар аркылуу илбирстин саны кантип аныкталат?" - деди Ушаков

Буга карата Айлана-чөйрөнү коргоо жана токой чарбасы мамлекеттик агенттигинин биотүрдүүлүктү жана өзгөчө коргоодогу жаратылыш аймактарын сактоо департаментинин директорунун орун басары Кумар Мамбеталиев төмөндөгүдөй жооп берди.

“Чындыгында көйгөй бар. Биз бул нерсени жаап-жашырган учурубуз жок. Кыргыз Республикасынын өкмөтүнө караштуу курчап турган чөйрөнү коргоо жана токой чарба мамлекеттик агенттиги тарабынан этаптуу, пландуу иш-чаралар уюштурулуп, жүргүзүлүп келет. Көйгөй болсо, аны жашырбай массалык маалымат булактары аркылуу коомчулук менен талкуулап, ушул маселелерди чечүү үстүндө иштеп келебиз." , - деди ал.

Ал эми биология илимдеринин кандидаты Аскар Давлатбеков: "Жаныбарлардын санын аныктоо боюнча ар кандай ыкма бар. Сиз айтып жаткан фотокапкан көп маалыматтарды берет. Анын жардамы менен визуалдык жана биологиялык байкоо жүргүзүлөт. Ар бир илбирстин терисиндеги сүрөтү уникалдуу, бир илбирстин сүрөтү башка бир илбирстикине окшош болбойт" - деди ал.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(3)
13.01.2020. 23:01 
Тайпасы:
Жаран
Комментарийлердин саны:
58
Катталган:
14-03-2017
Соӊку аракети:
27-01-2020 03:19
Жынысы:
Белгисиз
+2
Ар бир жаран коргосок мындай болмок эмес...
13.01.2020. 23:12 
Тайпасы:
Жаран
Комментарийлердин саны:
692
Катталган:
02-04-2018
Соӊку аракети:
26-01-2020 15:18
Жынысы:
Белгисиз
+1
Мен орустарды жун баш деп адашыпмын!Корсо жун баштар билдим кысказы ким экенин!
14.01.2020. 07:01 
Тайпасы:
Жаран
Комментарийлердин саны:
297
Катталган:
24-06-2017
Соӊку аракети:
26-01-2020 23:58
Жынысы:
Белгисиз
+1
Разаков айткандай мен таза болсом,сен таза болсон коомда таза болот деп! Коом таза болсо Жаратылыш да таза болмок.
talaa11 түзөттү 2020-01-14 07:01:55
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
136602;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: