super.kg logo

Мектеп директору депутаттын жубайын өлтүрүүгө аракет кылган деп шектелүүдө

 

Москва шаарында менчик мектептин директору жана анын мурунку эки окуучусу адам өмүрүнө кол салууга шектелип кармалды. Бул тууралуу орусиялык басылмалар жазышууда.

Маалыматка ылайык, 35 жаштагы мугалим мамиледе болгон депутаттын жубайын өлтүрүү үчүн мурунку эки окуучусун (кыз жана бала) жалдаган. 9-январь күнү кылмышка шектүүлөр жабырлануучунун үйүнүн жанынан кармап моюн, тулку боюна 6дан кем эмес бычак сайышкан. Жабырлануучу алган жаракатынан эс-учун жоготкон, бирок өз убагында көрсөтүлгөн жардамдан улам аман калган. Иликтөөчүлөрдүн версиясы боюнча, Москвадагы менчик мектептин директору Василиса Маслова мурун "Яблоко" партиясынын депутаттар кеңешинин мүчөсү Михаил Хананашвили менен көңүлдөш болуп, депутаттын жубайын кызганычтан улам өлтүрүүнү пландаган.

Депутат Михаил болсо жубайына кол салганды ишмердүүлүгүнө байланыштырып келет. "2018-жылы жубайымдын башына эки ирет чаап кетишип, баш мээси чайкалган. Бирок бир да кылмышкер табылган эмес. Ошондон кийин мен жубайымдын келечеги үчүн чочулап, мурункудай башкалар менен чырдашканды токтотуп, активдүү болбой калдым. Ал эми Василисанын көңүлдөшү эмесмин, бирок аны билчүмүн. Биздин чогуу баштаган долбоорлорубуз, кызматтык мамилебиз бар болчу", - деген ал. Ошондой эле депутат "жубайым учурда жасалма дем алдыруучу аппаратта, сүйлөй албайт" деп кошумчалаган.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг -2 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
136602;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: