Орусиялык каналдардын биринде алып баруучу жарандарга берилүүчү социалдык жеңилдиктер тууралуу кабар окуп жатып күлүп жиберген. Бул тууралуу орус басылмалары жазышат.
"Эфирди жазуу учурунда "1-февралдан тарта социалдык жеңилдетилген төлөмдөр айына 1 миң 500 рублдан бир аз көбүрөөк сумманы түзөт. Анын ичинен 900 рубль медикаменттерге кетсе, 137 рубль ден соолугун чыңдоо үчүн санаторийге жумшалса, калган сумманы дарыланууга барып-келүү үчүн эл аралык каттамга кетирсе болот" деген маңыздагы репортаж көрсөтүлгөн. Алып баруучу маалыматтын аягына чыкпай күлкүсүн тыя албай каткырган. Анда ал "силер окудуңарбы? мен ошол жерди күлбөй окуганга аракет кылдым" деген", - деп айтылат маалыматта.
Маалым болгондой, видео социалдык тармактарга тарап кеткенден кийин каналдын жетекчилиги алып баруучу менен сүйлөшкөнүн билдирген. Ал эми каналдын директору алып баруучуга жана бул видеону социалдык тармактарга жарыялаган кызматкерлерге эч кандай чара көрүлө элек экенин айткан.