Күрөш боюнча Кытайдын Сиань шаарында пландалган турнир Бишкек шаарында өтөт. Бул тууралуу UWW`нын (Дүйнөлүк Күрөш Уюму) президенти Ненад Лалович жыйында сүйлөп жатып билдирди.
"Кыргыз өкмөтүнө жана Күрөш федерациясына ыраазычылык билдиребиз. Кыргыз өлкөсү ушундай чоң турнирди кабыл алып, өткөрүп жаткандарына кубанычтабыз", - деген ал.
Маалыматка ылайык, күрөш боюнча Кытайдын Сиань шаарына пландалган бул турнирди азыркы тапта дүйнө эли чоочулап турган коронавирустун айынан башка өлкөдө өткөрүү пландалган. UWW бул турнирди коңшу Казакстанга жана Өзбекстанга өткөрүү сунушун жибергенин жана бул өлкөлөр макулдук бербей койгонун билдирген.
Күрөш боюнча Азия чөлкөмүндөгү олимпиадага тандап алуу 27-29-март күндөрү Бишкек шаарында өтөт.