Чамдаңыз! Жазаларды аткаруу мамлекеттик кызматы сынак жарыялайт

Жазаларды аткаруу мамлекеттик кызматы квалификациялык талаптарга ылайык, офицердик курамдагы кызматка сынак жарыялайт.

Талапкерлерге коюлган талаптар:

Жогорку билимдүү;
Аскердик же альтернативдик (үй-бүлөлүк шарттарга байланыштуу) кызмат өтөгөн, кыздарга бул талап тиешелүү эмес;
Жаш курагы 19дан 35 жашка чейин;
Эркектердин бою 165 сантиметрден жогору, ал эми кыздардыкы 160 сантиметрден жогору болуусу шарт.

Сынакка катышуу үчүн талапкерлер 20-мартка чейин төмөндөгүдөй документтерин тапшыруусу зарыл:

- өз атынан арыз;

- кадрлардын учёту боюнча кагаз;

- өмүр баян;

- өмүр баяндын рефераты;

- эмгек китепчесинин көчүрмөсү (нотариустан күбөлөндүрүлгөн);

- дипломдун көчүрмөсү (нотариустан күбөлөндүрүлгөн);

- аскердик билет;

- паспорттун, туулгандыгы тууралуу күбөлүктүн көчүрмөсү;

- 9х12 (1 даана) жана 3х4 өлчөмүндөгү (4 даана) сүрөт;

- 3төн кем эмес сунуштама каты;

- балдарынын туулгандыгы тууралуу күбөлүгүнүн көчүрмөсү (эгерде балдары бар болсо), нике тууралуу күбөлүктүн көчүрмөсү (эгерде никеде турса);

- ЖАМКга кызмат өтөөгө жарамдуулугу жөнүндө аскердик-дарыгерлик комиссиянын медициналык аныктамасы.

Сынак үч этап менен өтөт:

Биринчи этап - физикалык даярдык, экинчи этап - тестирлөө ал эми үчүнчү этап - талапкер менен баарлашуу.

Кыргыз Республикасынын жаза аткаруу тутумунда кызмат өтөө шарттары:

Ардактуу эс алууга жеңилдетилген түрдө чыгуу (кызматтагы 1 күн 1 жарым күнгө тете эсептелинет);
Айлык акы кызматтагы жылына жараша 15000 сомдон башталат;
Кызматка орношору менен атайын чинге ээ болот.

Документтерди Жазаларды аткаруу мамлекеттик кызматынын кадрдык башкаруу кызматы кабыл алат.

Дареги: Бишкек шаары, Ибраимов көчөсү. Байланыш телефону: 312 43 84 60, 43 82 10.