"Бишкектеги соода борборунда теракт болот". №1 түзөтүү колониясында отуруп, жалган маалымат тараткан кылмышкер аныкталды

23-февраль күнү УКМК башкармалыгынын нөөмөт кызматына өзүн Саид деп тааныштырган адам телефон чалып, Бишкектеги соода борборлорунун биринде теракт болот деген маалымат тараткан. Бул тууралуу УКМКнын басма сөз кызматынан билдиришти.

"23-февралда саат 13:14тө Чүй облустук УКМК башкармалыгынын нөөмөт кызматына өзүн Саид деп тааныштырган адам саат 16.00дө Бишкек шаарындагы соода борборлордо теракт болот деген маалымат берген. Бул факт 239-берененин 1-бөлүмү (террорчулук актысын жасайм деп коркутуу) боюнча Кылмыштардын жана жоруктардын бирдиктүү реестрине катталды. Ыкчам-издөө иш-чараларынын жүрүшүндө, телефон чалган адам Бишкек шаарында 1990-жылы туулган Тагир Султанбеков экендиги такталды.

Ал 2013-жылы Бишкек шаардык Биринчи Май райондук соту тарабынан 166-берене (алдамчылык) жана 167-берене (тоноо) боюнча 9 жылга эркинен ажыратылган. 2017-жылы Ысык-Ата соту тарбынан 170-берене (пара талап кылуу) жана 228-берене (террорчулук актысы жөнүндө билип туруп жалган кабарлоо) боюнча 11 жылга соттологон. 2017-жылы №3 түзөтүү колониясында отурган учрунда террорчулук актысы тууралуу телефондон жалган маалымат берген. 2018-жылдын 16-ноябрынан тартып №1 түзөтүү колониясында жазасын өтөп жатат. Тагир Султанбеков сурак учурунда айып изоляторунда отурганда, аталган телефон чалууну кылгандыгын моюнуна алып, №1 түзөтүү колониясындагы коркутуулардан улам бул кылмышты жасаганын айткан. Азыркы учурда тергөө жүрүп жатат", - деп жазылат маалыматта.

11:51 24-02-2020

Автор: Гүлжамал Абылкасымова

Жазылуу

РУБРИКАДАГЫ СОҢКУ КАБАРЛАР

22:17 2024-04-18 | Саясат

Садыр Жапаров менен Касым-Жомарт Токаев Казакстанда эки өлкөнүн өнөрпоздорунун концертине катышты 713 0

21:55 2024-04-18 | Коом жана турмуш

Астанада активдүү жаштардын катышуусунда II Казак-Кыргыз жаштар форуму өтүүдө 422 0

21:36 2024-04-18 | Спорт

Бишкекте төрт күнгө созулган бокс боюнча эл аралык мелдеш башталды 352 0

20:45 2024-04-18 | Коом жана турмуш

"Манас" театрынын жаңы имаратын ачуу аземинен ирмемдер (сүрөт) 782 0

20:20 2024-04-18 | Коом жана турмуш

Орусия Таластагы билим берүү мекемелерине компьютер жана робототехника берди 515 0

19:11 2024-04-18 | Саясат

Садыр Жапаров расмий сапары менен Казакстанга барды. Президентти аэропорттон Токаев өзү тосуп алды (сүрөт) 1619 0

Архив

Комментарийлер (3)

Jaznura

2020-02-24 11:56:51

Калпычы элди дүрбөткөн экен да.

bond02

2020-02-24 12:13:00

Дагы 5-6 жыл кошуп койгула, озун озу алдап жата берсин.

erlan2196

2020-02-24 13:18:59

Мобилдик телефонду турмого ким киргизди буларга? Азыр турмоодо диний раликализм, фанатизмди, экстримизди жайылтып жатышат. Ошолорго катуу чара колдонгула. Жаштар арасында ашыкчы диний тушунукторду жайылта бербегиле.

Комментарий калтыруу үчүн өз ысымыңыз менен кириңиз же каттоодон өтүңүз.