Казакстандын бийлиги өзгөчө абал учурунда элге керектелүүчү азыктарды чет өлкөгө сатууга тыюу салды. Бул тууралуу казакстандык басылмалар жазып чыгышты.
Маалыматка ылайык, мындай чектөө 22-марттан тарта киргизилген. Экспортко тыюу салынган азык-түлүктөрдүн тизмесине гречка, ун картошка, сабиз, кызылча, кумшекер, капуста, чемичке жана чемичке майы кирет.
Ошондой эле маалыматта дүкөндөрдө биринчи керектелүүчү азык-түлүктөр нан, сүт, эт ар дайым болуп турушу шарт. Баарынан мурда Казакстандын дүкөндөрүнө бул товарларды жеткирип турушубуз зарыл экендиги жазылган.