Депутат: "Бет капсыз жүргөндөргө айып пул салынат деп жатабыз. Дарыканаларда бет кап жок болуп жатат"

Тектеш кабарлар: Дүйнөгө тараган коронавирус боюнча башка маалыматтар (8926 материал)

Депутат Улугбек Ормонов дарыканаларда бет кап жок болуп жатканын билдирди. Бул тууралуу ал бүгүн, 1-апрелде Жогорку Кеңештин жыйынында айтты.

"Бет капсыз жүргөндөргө айып пул салабыз деп жатасыздар. Дарыканаларда бет кап жок. Биринчи ошол маселени чечип албайсыңарбы. Дарыканаларга бет кап бергиле", - дейт депутат.

Жыйында “Кыргыз Республикасынын айрым мыйзам актыларына жеңилбес күчтүн жагдайларына байланыштуу социалдык-экономикалык кырдаалды турукташтыруу маселелери боюнча өзгөртүүлөрдү киргизүү жөнүндөгү” мыйзам долбоору каралып жатат.