Коронавирус жуктурганы аныкталган 14 жарандын каяктык экени белгилүү болду. Алардын алтоо бишкектиктер (видео, хронология)

Тектеш кабарлар: Дүйнөгө тараган коронавирус боюнча башка маалыматтар (8926 материал)

Бүгүн, 3-апрель саат 10:00гө карата өлкө боюнча 130 жаран коронавирус менен жабыркап жатат. Сутка ичинде 14 жаран коронавируска чалдыкканы аныкталды. Мындан тышкары Ноокат районундагы аймактык ооруканасында жаткан 61 жаштагы бейтап каза болду.

Вирус жуктургандар жана каза болгон жаран тууралуу саламаттыкты сактоо министри Сабиржан Абдикаримов маалымат берди. Онлайн маалымат жыйын Өкмөт үйүндө өттү.

2020-04-03 13:28:00

Бүгүнкү күндө санитардык посттордо тургандардын баары коргоочу костюмдар менен камсыздалган. Мындан тышкары дагы медициналык каражаттар боюнча жардам келери күтүлүп жатат.

2020-04-03 13:23:00

“Ноокатта коронавирустан каза болгон жарандын өлүмүнүн себебин патологоанатомиялык изилдөө үчүн, сөөгү патологоанатомго жөнөтүлдү, ал тийиштүү корутунду берет”, - дейт саламаттыкты сактоо министри Сабиржан Абдикаримов.

2020-04-03 13:22:00

"Лабораторияларды экспресс, ПЦР диагностика тесттери жана алар үчүн реагенттер менен камсыздоо боюнча чоӊ иштер жүргүзүлүп жатат. Гуманитардык жардам катары 21 миӊ экспресс-тест келди, жалпы ыкчам диагностикалоо үчүн 60 миӊ тест-систем бар", - дейт министр Сабиржан Абдикаримов.

2020-04-03 13:21:00

Коронавируска чалдыгып, өлкө боюнча ооруканага жаткырылгандар – 125ти түзөт:
Оор абалда (оорукананын жандандыруу бөлүмүндө) – 4 бейтап;
Орточо оор абалда – 121;
Айыккандар – 5;
Каза болгондор – 1.

2020-04-03 13:20:00

Ноокат районундагы аймактык ооруканасында каза болгон жаран кичи ажылык зыяратына барып келген. Ал обсервацияга алынып, медициналык тест тапшырган. Тесттин жыйынтыгы вирустун белгилери бар экенин аныктаган. Бейтаптын кант диабети жана башка өнөкөт оорулары болгон. Кечээ, 2-апрелде биологиялык өлүмгө кабылды.

2020-04-03 13:19:00

Вирус жуктурганы аныкталган 14 жарандын ичинен 4 жаран – сырттан келген, 10 – оорулуулар менен байланыш болгондуктан жуктуруп алган.

2020-04-03 13:17:00

21 миң адамга ылайыкташкан экпресс-тест систем кечээ Кытайдан келди. Жалпысынан жардамга келген тест системдин саны 60 миң даананы түзөт.

2020-04-03 13:16:00

Коронавируска чалдыккандар менен байланышта болгондор:

1-категориядагы адамдар (үй-бүлө мүчөлөрү, жакындары) - 2 миң 283. Анын ичинен 426 адам учакта чогуу келгендер болуп саналат.

2020-04-03 13:15:00

Саламаттыкты сактоо министри Сабиржан Абдикаримов өлкөдөгү абал туруктуу экенин маалымдады.

Жалал-Абадда - 61;

Ош облусунда - 30;

Чүй облусунда – 6;

Баткен облусунда – 3;

Ош шаары – 10.

Бишкек шаары– 14;

Нарын облусунда – 4;

Ысык-Көл облусунда – 2 .

Коронавирустан жабыркагандардын ичинен – 72си аялдар, 58и – эркектер.

2020-04-03 13:14:00

3-апрелде COVID-19 вирусу аныкталган 14 жарандар төмөнкү аймактардын жашоочулары:
• Жалал-Абад облусунда – 5;
• Жалал-Абад шаарында – 2;
• Чүй облусунда – 1;
• Бишкек шаарында – 6.

жаңыланды 14:30 03-04-2020
кошулду 20:25 03-04-2020

Автор: Бактыгүл Момбекова

Жазылуу

РУБРИКАДАГЫ СОҢКУ КАБАРЛАР

22:00 2024-04-23 | Саясат

Акылбек Жапаров Орусиянын Ленинград облусунун губернаторун кабыл алды 273 0

20:57 2024-04-23 | Кылмыштар, кырсыктар

"145 миң долларга алдап кеткен". Бишкекте iPhone үлгүсүндөгү телефондорду алып, из жашырып кеткен жаран кармалды 696 0

20:14 2024-04-23 | Саясат

Кыргызстан менен Монголиянын парламенттери ортосундагы Кызматташуу боюнча комиссиянын регламентине кол коюлду 246 0

19:49 2024-04-23 | Бизнес-Инфо

“Миллиондор оюну” акциясынын алкагында жаңы миллионерлер жана жеңүүчүлөр аныкталды 613 0

19:01 2024-04-23 | Саясат

ЕАЭБде бир катар бажы алымдарына нөлдүк ставканын мөөнөтү узартылды 360 0

18:40 2024-04-23 | Түркүн дүйнө

Быйыл Орусияда "Өчпөс полк" жүрүшү өтпөй турган болду 844 0

Архив

Комментарийлер (17)

marat_1910

2020-04-03 13:37:19

Бишкектин кайсы райондорунан чыгып атат тагыраак малымат болсо жакшы болмок, кундузу эл кочодо маскасы жок эле журушот.

+12

batleybesh

2020-04-03 16:37:45

marat_1910,ошол районду атын жазышса кайсы кочо демексинда е

sirenaaaaa

2020-04-03 14:03:10

Чуйдун кайсыл районунан. Новопавловка, Военно антоновка эли кочодо кенен журушот, стройка кылып жатышат. Шаарга болсо киргизбейт. Жалгыз Кыргызстан банк да иштебей жатыптыр деп угуп жатабыз.

Bars88

2020-04-03 14:19:01

Сырттан келгенде кайсы жерден келгенде.Умрадан келгендерди сразу айтып аттынар.Калгандарын сырттан келгендер деп эле коюп атышат

nurgaz

2020-04-03 14:39:53

Сабиржан ака жакшы иштейт, буйруса бул вирусту жеңебиз

-2

iryi1

2020-04-03 14:45:33

nurgaz,
Сабиржан акан, Сокенин укосубу. Укалар, акалар топтолуп алышыптыр го трайбалисттер. Сабиржандын колунан эч нерсе келбейт. Соке трайбалисттик саясатын баштады кордунорбу.

-2

muras111211

2020-04-03 16:39:37

iryi1,жаңы эле кызматка дайындалды го.
Колунан эч нерсе келбейт деп көрүп билгендей жазыптырсыз.
Сенин колуңдан келсе сен кызматка барбайт белең.

Luna15

2020-04-03 16:43:54

iryi1,вирус жуктургандар сааттап кобоюп,олум мн коштоло баштады Сен каяктагы саясатта журосун акасы,укасы деп.Каалаганын койсун и коюп келишкен главный аман-эсен карантинден чыгалы деп отуралычы тынчыраак,сен экообузго саясаттын азыр кыпындайда кереги

temirov76

2020-04-03 21:01:31

iryi1,азыр ал иштебейт бул иштебейт деп адам тандай турган мезгил эмес да,андан коро ушул ооруунун сапары тезирээк карысын деп жакшы тилек ниет кылып уйдо отуруу керек.

nurali1989

2020-04-03 15:43:29

Кайсыл райондордон экенин жазып койсонор. Элге так эле маалымат берсениздер.

portugalia

2020-04-03 15:49:01

Кайсы район,шаар,айыл экенин так жазсанар.Аты жонун да жазсанар контакт болгондор оздору барып текшерилишет эле.

muras111211

2020-04-03 16:40:52

Так маалымат.Аты жөнү менен чыгарсанар болмок.
Контакт болгон адамдар өздөрү эле барышмак.

algakaray

2020-04-03 21:07:36

Ооруну жашырсан олум ашкере кылат. Так жазгыла да же же жашыруун аты жонун айтпай аыйктырайын дейсинерби? Минтип берсек дагы дагы башкаларга жуга берет да

Kaary

2020-04-04 00:51:44

"Бишкек"- чоң тамга менен жазылат! Теманы оңдоп койгула супер

Birimdik5555

2020-04-04 03:19:52

Kaary,кечиресин бишкектиктер деп жазылып турат кичине тамга менен эле жазылат. Мисалы оштуктар,нарындыктар ж.б

Arseana

2020-04-04 03:21:48

Kaary,"Бишкек шаары" деп жазса чоң тамга менен жазылат. Бул жерде бишкектиктер деп турат, туура эле жазылган.

japarov

2020-04-04 11:50:24

Ысык кол баткенде жок болчу еми ал жактада болгон болсо

Комментарий калтыруу үчүн өз ысымыңыз менен кириңиз же каттоодон өтүңүз.