Ат-Башы жана Жумгал райондорунда коронавирус менен ооругандар калган жок

Тектеш кабарлар: Дүйнөгө тараган коронавирус боюнча башка маалыматтар (8926 материал)

Буга чейин коронавирус менен оругандардын 128и сакайып, ооруканадан чыгарылган. Ал эми 169 адам учурда бейтапканаларда дарыланып жатат. Бул тууралуу бүгүн, 27-майда өкмөттүн Нарын облусундагы ыйгарым укуктуу өкүлү Эмилбек Алымкулов маалымат жыйын берип жатып айтты.

"Облус боюнча Ат-Башыда 77, Ак-Талаада 19, Жумгалда 14, Нарын шаарында 163, Кочкордо 11, Нарын районунда 13 адам жугуштуу илдетке чалдыккан. Ат-Башы жана Жумгал районунда бейтаптар толугу менен сакайып чыгышты. Бүгүн Нарын шаарында 14 бейтап үйлөрүнө чыгышат. Учурда Ак-Талаада 19, Кочкордо 8, Нарын шаарында 130, Нарын районунда 12, бирөө төшөктө жаткан оорулуу болгондуктан, үй шартында изоляцияга алынган.

Жалпы 169 адам дарыланып жатат. Ал эми обсервацияда 123, үй карантининде 381 адам бар. Ооругандар менен контакт болгондордун саны 1 миң 590 адамга жетип, тилекке каршы бир адам каза болду. Өкүнүчтүүсү ооругандардын ичинен медицина, милиция кызматкерлери, мамлекеттик, муниципалдык тейлөө ишканаларынын кызматкерлери дагы бар. ПЦР анализдер облус аймагындагы көчмө лабораториялардан чыгарылып жатат. Жалпы облус боюнча 1 миң 443 орун даярдалган", - деп билдирди өкүл.