"1-июндан баштап кезектешип сейилдешсе болот". Москва шаарынын мэри карантинди 14-июнга чейин узартты

Тектеш кабарлар: Дүйнөгө тараган коронавирус боюнча башка маалыматтар (8926 материал)

Москва шаарынын мэри Сергей Собянин шаардагы карантин режимин 14-июнга чейин узартты. Бул тууралуу орусиялык маалымат каражаттары жазышты.

Бирок мэр 1-июндан тартып эрежелерге өзгөртүүлөр кирерин билдирген. Маселен, аталган шаарда 1-июндан баштап автосалондор, кийим-кечек, үй-тиричилик буюмдары сатылган дүкөндөр иштей баштайт. Мындан тышкары шаардын жашоочуларына көчөгө сейилдөөгө уруксат берилет. Анткен менен Собянин социалдык аралыкты сактоо жана объектилерди тынымсыз дезинфекциялап туруу башкы талап экенин билдирген.

"Сатуучулар да, кардарлар да бет кап, кол кап кийиши керек" деген ал.

Июнь айынын башталышы менен бут кийим оңдогон жайлар, химиялык тазалоо өңдүү кызматтар да ишин жандантат. Шаарда мурда дем алыш сайын өткөн жарманкелер да кайра ишин улантат. Сейил бактар ачылат, велосипеддерди ижарага берип иштегендерге уруксат болот.

"Мэр шаар ичинде сейилдөөгө уруксат берди, бирок анын белгиленген убактысы бар" деп жазылат маалыматта. Азырынча анын убактылары белгисиз. Бирок Собянин президент Владимир Путин менен жолугушканда элди сейилдөөгө кезек-кезеги менен чыгарса боло тургандыгын айткан. "Үйлөргө карата сейилдөөчүлөрдүн кезегин түзсөк болот. Антпесе бардык жашоочулар бир учурда чыгып, оорунун жайылышын шарттайт", - деген ал.

16:01 28-05-2020

Автор: Кызжибек Раимова

Жазылуу

РУБРИКАДАГЫ СОҢКУ КАБАРЛАР

19:49 2024-04-23 | Бизнес-Инфо

“Миллиондор оюну” акциясынын алкагында жаңы миллионерлер жана жеңүүчүлөр аныкталды 49 0

19:01 2024-04-23 | Саясат

ЕАЭБде бир катар бажы алымдарына нөлдүк ставканын мөөнөтү узартылды 153 0

18:40 2024-04-23 | Түркүн дүйнө

Быйыл Орусияда "Өчпөс полк" жүрүшү өтпөй турган болду 297 0

18:07 2024-04-23 | Кылмыштар, кырсыктар

Милиция жана салык кызматкерлери коррупцияга айыпталып кармалды (видео) 595 0

18:06 2024-04-23 | Саясат

Шакиев монгол кесиптешине Манас баатырдын эстелигин Улан-Батордогу көчөлөрдүн бирине ыйгарууну жана айкелин тургузууну сунуштады 244 0

17:54 2024-04-23 | Кылмыштар, кырсыктар

Ысык-Атада 14 жаштагы өспүрүм кыз өз өмүрүн кыйды 667 0

Архив

Комментарийлер (8)

altynka95

2020-05-28 16:09:41

1-июнду чыдамсыздык менен кутуп жаттык эле да ,олду го бул жагы

Nuret94

2020-05-28 16:36:15

altynka95, көчөгө чыгып, бактарга барып сейилдөөгө уруксат бериптир, ушунусуна да шугур

KalenAlmaz

2020-05-28 16:13:29

Сергей Собянин омурун узун болсун.Кыргыздар келип оз мекенинде иштегиле.Иш деген толтра Россияга эле качышат.Давай домой.

-11

Krai

2020-05-28 16:41:39

KalenAlmaz, бул жактагы мекендештерибизди жумуш менен камсыз кыла албай атабыз го. Мүмкүн болсо чет жердеги мекендештер Кыргызстанга келбей, иштеп тургула Кыргызстанда жашоо оор

meku89

2020-05-28 18:18:58

Krai,туура азырынча Кыргызстанга келбей эле жумуш болсо ошол жакта иштеп тургула. Кыргызстан элди багып жумуш таап бере албайт. Мамлекеттик кызматта иштеген жөнөкөй адамдар айлыгыбызды толук ала албай отурабыз азыр.

Bekish-

2020-05-28 17:10:28

1 июнда иш ачылат

Majit1975

2020-05-28 17:15:37

Маселен?

AdylbekB84

2020-05-28 17:52:57

Ресторан кафе, салондор, тц, кийим кече саткан магазиндерди эле жабып коюуп карантин деп, Кыргызстандагыдай катуу болбоду, орустар баары самсаалап жүрүшөт!

Комментарий калтыруу үчүн өз ысымыңыз менен кириңиз же каттоодон өтүңүз.