Бишкекте кышында жолдорду тазалоого 2635 тонна кум, 154 тонна туз даярдалды
Бүгүн Бишкек шаарынын вице-мэри Вячеслав Красиенко шаардагы "Тазалык" ишканасынын кызматкерлери менен жолугушту. Жолугушууда кышкы көйгөйлөр, анын ичинде жолдордун тайгактыгы тууралуу сөз болду. Мэрия билдиргендей, учурда шаар көчөлөрүн тазалоого 48 атайын техника, 18 кар тазалагыч унаа, 2635 тонна кум жана 154 тонна туз даярдалган. Күн сайын шаар жолдорун тазалоого 580 кызматкер чыгууда.