super.kg logo

Биринчи вице-премьер Кубатбек Боронов «Манас» аэропортунун даярдыгы менен таанышты

 

Премьер-министрдин милдетин аткаруучу, биринчи вице-премьер-министр Кубатбек Боронов «Манас» эл аралык аэропортуна барып, ички аба каттамдарын жандандырууга даярдык менен таанышты.

Кубатбек Бороновго коронавирус инфекциясынын жайылышын алдын алуу боюнча аракеттердин алгоритми, аэропорттун өткөрмө пункту аркылуу өткөн жүргүнчүлөрдү текшерүү тартиби тууралуу айтып беришти.

Алсак, «Манас», «Ош» жана «Ысык-Көл» аэропортторунун аэробекеттер комплексинин имаратына көрсөтүлгөн күнгө билети бар жүргүнчүлөр, ден соолугунун мүмкүнчүлүгү чектелген адамдарды коштогон жактар гана киргизилет. Узатуучу жана тосуп алган жарандар үчүн аэробекетке кирүү убактылуу чектелген, алар үчүн күтүүгө өзүнчө орун даярдалган.

Аэробекеттер имаратынын кире беришинде бардык жүргүнчүлөр жана жүк милдеттүү түрдө дезинфекциялоочу туннелден, термометрдик көзөмөлдөн жана дене табын тепловизордук камералар менен ченөөдөн өткөрүлөт.

Сөзсүз түрдө бет кап тагынып, аралыкты сактоо зарыл.

Клиникалык белгилер аныкталган шартта (жогорку дене табы, жөтөл, дем жетпөө, дем кысылуу, чыйрыгуу жана башка) ооруканага жаткырылат. Клиникалык белгилери жок жүргүнчүлөр анкеталык маалыматтарды толтурушат.

Учуп келери менен жүргүнчүлөр термометрдик көзөмөлдөн өтүп, дене табы өлчөнөт.

«Ички аба каттамдарын жандандыруу инфекциянын жайылышы боюнча белгилүү бир тобокелдиктерди алып келет. Ошондуктан бардык көзөмөлдөөчү органдар текшерүү алгоритмдерин так аткарып, зарыл шартта ыкчам чара көрүүгө тийиш. Келген жүргүнчүлөргө көзөмөл катуу болушу шарт. Мындан тышкары билет баасынын жогору экендиги тууралуу жарандардын кайрылуулары түшүүдө. Тармактык органдар бул маселени иштеп чыгып, жөнгө салышы керек», - деди биринчи вице-премьер-министр.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(3)
06.06.2020. 13:32 
Тайпасы:
Тартип бузгандар
Комментарийлердин саны:
48
Катталган:
01-03-2018
Соӊку аракети:
07-07-2020 00:14
Жынысы:
Белгисиз
+4
Эмне менен таанышып жатканына мээси деле жетпесе керек. Ии деп көрсөткөн нерселерин карап көрүп коюп келе берди да. Мээси болсо Баткенге барып кечирим сурамак эмес. Эл менен жолугуп элдин духун көтөрүп бир карыш жер бербейбиз демек. Келип алып депутаттардан суранып олтурат жабык эшик артында откоролу деп. Акмак элдин наалаты тиет мындай болсон
06.06.2020. 21:37 
Тайпасы:
Жаран
Комментарийлердин саны:
156
Катталган:
02-12-2018
Соӊку аракети:
07-07-2020 00:58
Жынысы:
Белгисиз
Калаасы:
Бишкек
+1
Mamiev,ошону туура айттын тууган! Эмнеге кечирим сураганы да белгисиз бул Боронувдун.
06.06.2020. 20:18 
Тайпасы:
Жаран
Комментарийлердин саны:
433
Катталган:
04-12-2018
Соӊку аракети:
06-07-2020 22:14
Жынысы:
Белгисиз
Калаасы:
Москва
+1
Мындан башка адам жокбу вицеликке?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
146894;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: