Казакстандын Акмола облусунун товарлардын жана кызмат көрсөтүүлөрдүн сапатын көзөмөлдөө департаменти коронавирус инфекциясы менен ооруп, жасалма дем алдыруучу аппаратка туташкан бейтаптардын видеосун жарыялады. Бул тууралуу жергиликтүү басылмалар жазышууда.
"Кейиштүү, бирок бул чындык", - деп жазылган видеодо.
Ал эми казакстандык дарыгерлер коронавирус инфекциясын жуктуруп алгандардын саны күн санап өсүп жаткандыгын жана бул санитардык эрежелерди сактабагандыктан улам болуп жаткандыгын айтышкан.
Акыркы маалыматтар боюнча, коңшу өлкөдө коронавирус инфекциясы жалпы 13 миң 74 адамдан аныкталды. 58 адам каза болсо, 7 миң 737 бейтап айыгып чыкты.