Дүйнөдө акыркы бир сутка ичинде коронавирус инфекциясы аныкталгандардын рекорддук көрсөткүчү катталды

Тектеш кабарлар: Дүйнөгө тараган коронавирус боюнча башка маалыматтар (8926 материал)

Коронавирус пандемиясы башталгандан бери акыркы бир сутка ичинде дүйнөдө коронавирус инфекциясы аныкталган адамдардын рекорддук көрсөткүчү катталды. Бул тууралуу Дүйнөлүк саламаттыкты сактоо уюмунан билдиришкен.

Маалыматка ылайык, дүйнөдө акыркы бир сутка ичинде коронавирус инфекциясы 183 миң 20 адамдан аныкталып, рекорд жаңыланды. Инфекция аныкталгандардын көпчүлүгү Түндүк жана Түштүк Америкада катталган. Буга чейинки рекорд 20-майда катталган. Анда сутка ичинде 106 миңден ашык адамдан коронавирус аныкталган.

Акыркы маалыматтар боюнча, дүйнөдө коронавирус инфекциясы жалпы 8 миллион 952 миң 428 адамдан аныкталды. 468 миң 331 адам каза болсо, 4 миллион 434 миң 628 бейтап айыгып чыкты.