Ырчы, аткаруучу Болот Тасмаев 49 жашында каза болду. Бул тууралуу анын кесиптештери билдиришти. Маалыматка ылайык, ырчы кант диабети менен күрөшүп келген. Айыккыс дарттан улам бүгүн, 30-июнда көз жумду.
Болот Тасмаев 1971-жылы 3-январда Жалал-Абад облусунун Аксы районуна караштуу Кербен айылында төрөлгөн. Ата-энеси чыгармачыл адамдар болгондуктан, Болот Тасмаев кичинекей кезинен эле сахнага чыккан. Ош шаарындагы Гагарин атындагы орто мектебин бүтүргөн. 1991-1992-жылдары алып баруучулук менен алектенген. Акын Кыялбек Урманбетовдун "Аманат" ырын ырдап чыгып, эл оозуна алынган. Эң биринчи ыр жыйнагы "Сен билген жоксуң" аталышында 14 ырды камтып, 2014-жылы жарык көргөн.
SUPER.KG порталы Болот Тасмаевдин ааламдан өткөндүгүнө байланыштуу үй-бүлөсүнө, жакындарына көңүл айтып, аза кайгысын тең бөлүшөт.