Индия коронавируска чалдыккандардын саны боюнча дүйнөдө 3-орунга чыкты

Тектеш кабарлар: Дүйнөгө тараган коронавирус боюнча башка маалыматтар (8926 материал)

Индияда 6-июлга карата коронавирусту жуктуруп алгандардын саны 697 миң 836 кишиге жетти. Бул тууралуу чет элдик басылмалар жазышууда.

Маалыматка ылайык, өлкө вирус жуктургандардын саны боюнча Орусияны ашып, үчүнчү орунга чыкты. Бүгүнкү күндө Индия инфекциянын саны боюнча АКШдан жана Бразилиядан кийинки орунда турат. Индияда пандемия башталгандан бери жалпысынан 19 миң 700 бейтап көз жумду.

Дүйнө жүзү боюнча коронавируска каршы күрөш уланууда. Коронавирус пандемиясы башталгандан бери дүйнө жүзү боюнча 11 миллион 400 миңден ашык адам бул илдетке чалдыкты. Инфекциянын кесепетинен 536 миңден ашуун адам көз жумуп, 6 миллион 500 миңден ашык бейтап айыкты.