super.kg logo
  Саясат  

"Президент сыйкырчы эмес. Бирок ал аракет кылып жатат. Ал КМШда биринчилерден болуп коомчулуктун көңүлүн коронавирус көйгөйүнө бурду"

 

Акылдуу азаматтарга, караңгы менен жарыкты, туураны катадан ажырата алган акыл-эси таза жарандарга кайрылгым келет.

Биринчиден, азыр өзүнүн чатышкан чытырманына багыт берип, элди көтөрбөй, өмүрлөрдү сактап калуу үчүн эч нерсесин аябаган адамдарга ыраазычылык билдиребиз.

Экинчиден, келгиле айрым учурларды түшүнүп алалы: биз кендерге бай болгон өнүккөн мамлекет эмеспиз. Биздин өлкөнүн 80 пайыздан ашыгын тоолор ээлейт. Ал жерлерде эч нерсе өспөйт. Бизде бар болгону ак ниет жана тартиптүү көп улуттуу элибиз. Чындыгында, биз үчүн өзүбүздөн башка эч ким бизге жан тартпайт. Айрыкча мындай кризистик шарттарда бир дагы мамлекет бизди колдобойт.

Бизде азырынча каражат жок. Ошондуктан бир айдын ичинде ооруканаларды курууга, аларды керектүү менен каалагандай камсыз кылууга, канчалык аракет кылсак да чамабыз чектелүү. Бул көйгөй кечээ же акыркы жылдар мурун пайда болгон эмес. Бул көйгөй көптөгөн жылдар бою топтолуп келген. Биз Италияны же болбосо башка өнүккөн мамлекеттерди мисалында көрдүк. Бир дагы өлкө бул илдеттен кутула албай жатат. Бул оору Жер шарындагы эң акылдуу адамдар тарабынан дагы толук изилденип бүтө элек.



Бул көйгөйлөрдү бир-эки жылдан кийин чечүү мүмкүн эмес экендигин моюнга алуу үчүн эрктүү болушубуз керек. Президент сыйкырчы эмес. Бирок ал аракет кылып жатат. Биринчиден, ал өзү үчүн өзүнүн эли жана Кудай үчүн чынчыл. Эске салгым келет, ал КМШда биринчилерден болуп бул маселени көтөрүп, коомчулуктун көңүлүн коронавирус көйгөйүнө буруп, бардык мамлекеттик органдарга бардык керектүү тапшырмаларды берген (бул органдар ал иштерди кандай аткарып жаткандыгы - бул экинчи маселе).

Өлкөдөгү экономикага күтүлүп жаткан катуу соккуларга карабастан, ал биздин өмүрүбүзгө коркунуч туудурган жок жана өзгөчө абал, карантин киргизүү менен ошол мезгилде эң туура чечимди тандап алды. Ал өзүн-өзү изоляциялоо жана алдын алуу чаралары жөнүндө баарына эскерткен жана киргизилген чаралар анын кадыр-баркына да таасир этерин түшүнгөн.

Вирустун жайылышына жана азыркы учурда болуп жаткан окуяларга көпчүлүк күнөөлүү экенибизди чынчылдык менен мойнубузга алалы. Өзүбүз өлкөдө өзгөчө кырдаал режими күчүндө болгондугуна карабастан чектен ашып, дароо эле чогулуп, бир нерсени белгилөөгө шаштык. Бул жашыруун эмес...

Үчүнчүдөн, бизде ар кандай президенттер болгон. Ал жерде акылдуусу да, принципсиз киши өлтүргүчү да, алкоголдук ичимдикти көп ичкен жылдыздуусу да болгон. Ал өлкөнү карызга батырган, коомчулуктун айрым катмары аны кулагы менен сүйгөн, бирок дайыма өз башы менен ойлонбогон адам болгон. Баса, карыздар боюнча мен тазабек.kg сайтына жарыяланган акыркы сандарга көңүл бурдум. Сиз билесиз, балким, биз керектүү ооруканаларды кыска убакытта кура албагандыгыбыздын негизги себептеринин бири дал ушул карыздар биздин мойнубузга түшкөндүгүнөн улам.

Мындан мурунку 25 жылдын ичинде бир дагы бала бакча же мектеп имараты курулган эмес, баарыбыз коррупциянын көлөмүн эстейбиз (улуусунан баштап). Анан баарыбыз күтүлбөгөн жерден сокур болуп калдык беле?! Президентибиздин көзөмөлү астында көп нерсе жасалып жаткандыгын көргүбүз келбейт.



Балким, бул анын күнөөсү чыгар. Себеби менин түшүнүгүм боюнча, ал илгерки адамдардай пиарды кабыл албайт жана жарнамасыз иштейт. Мурдагынын тушундагыдай коррупциянын деңгээли миллиондогон баага жеткен жок. Атамбаев кооз сүйлөп, резиденциядан чыкпай эле иштеп жатты. Ал өзүнүн айдоочулары менен жан сакчыларын жетекчилик кызматтарга алып келген жокпу? Биз ушул айдоочулар менен жан сакчылар бюджетке кол салып уялбастан жана коркпостон "откат" талап кылганын унутуп койдук.

Мына ууру ким! Атамбаев сонун сүйлөчү жана ал орус тилин да "5ке" билген чыгар. Анын эсебинен тамактангандар, коррупциялык булактары буулуп калгандар баарынан көп оозунан көбүк чыгып, калкты өз кызыкчылыгы үчүн үгүттөп жатышат.

Эмне үчүн мен ушунун бардыгын жазып жатам? Сиз мени кошоматчы дээриңизди билем. Адамга жаман нерселерге ишенүү оңой, жан дүйнөсү кара адам жаман нерселерди гана көрөт. Жаркыраган адамдар жакшылыкты, жаратмандыкты көрө алат жана алар жарык менен караңгыны, чын менен калпты, принцип менен саткынчылыкты айырмалай алышат.

Ошондуктан эң башында мен жаркыраган адамдарга кайрылып жатканымды айттым. Ооба, мен кошоматчы эмесмин. Бирок биздин президентти, ага карата жалган сөздөрдүн жана үгүттөөлөрдүн көп болгону үчүн ыза болуп жатам. Ал мени ачык эле таң калтырды жана мен ойлойм, Кыргызстандын тарыхында ал татыктуу орунду алат. Ага урмат-сый, мактоолор болсун! Ага сабыр жана чыдамкайлык каалайм. Ага азыр өтө керек... Жарык адамдар, өзүңөрдү карагыла!
Мирбек Эсенкожоев


 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг -3 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
148406;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: