Бүгүн, 20-июлга карата Кыргыз өлкөсүндө коронавирус жана пневмония жуктуруп алгандардын саны 611 кишиге көбөйүп, дагы 34 бейтап каза болду. Муну менен өлкөдө коронавирус жана пневмония жуктуруп алгандардын жалпы саны 27 миң 143кө жетти. Ал эми каза болгондордун саны 1037 адамды түздү. Бул көрсөткүч менен Кыргыз өлкөсү каза болгондордун саны боюнча дүйнөлүк рейтингде 31-орунга жайгашты. Бул тууралуу коронавирустук абалга көз салып жаткан дүйнөлүк сайтына жарыяланды.
Андагы статистикалык маалыматка таянсак, Кыргыз өлкөсү коронавирустан каза болгондордун саны боюнча Португалиядан кийинки 31-орунда турат. Статистикага ылайык, катталган өлүмдөрдүн саны боюнча алдыңкы ондукта Сан-Марино, Бельгия, Андорра, Улуу Британия, Испания, Италия, Швеция, Франция, Чили жана АКШ турат. Ал эми коңшу Казакстан 99-орунда экендиги көрүнөт.