КМШ өлкөлөрүнүн бири оор кылмышка шектүү катары эл аралык издөө жарыялаган, "Хизбут-Тахрир аль-Ислами" уюмунун мүчөсү Кыргыз өлкөсүнөн кармалды. Бул тууралуу Улуттук коопсуздук мамлекеттик комитетинин маалымат кызматынан билдиришти.
Ага ылайык, 30-июлда Кыргыз өлкөсүнүн аймагында тыюу салынган уюмдун мүчөсү, 34 жаштагы Х.Р. кармалган. Ал Борбордук Азия өлкөлөрүнүн биринин жараны.
"Хизбут-Тахрир" диний-экстремисттик уюмдун иш-аракеттерине бөгөт коюу боюнча жүргүзүлгөн иш-аракеттердин алкагында, аталган уюмдун мүчөсү кармалды. Ал УКМКнын убактылуу кармоочу жайына киргизилди. Азыркы учурда аны мындан аркы жоопкерчиликке тартуу үчүн тиешелүү органдарга өткөрүп берүү иштери жүрүп жатат", - деп жазылат маалыматта.