Кара-Кулжа районунун кулундары биргеликте Кеңеш айылындагы Ат-Келтир ФАПына "Тез жардам" унаасын алып беришти. Бул тууралуу өкмөттүн Ош облусундагы ыйгарым укуктуу өкүлүнүн маалымат кызматы кабарлады.
Маалыматка ылайык, Ош облусуна караштуу Кара- Кулжа районунун Кеңеш айылдык аймагында туулуп өсүп, азыркы мезгилде Бишкек шаарында жана Орусия аймагында иштеп жүргөн Курстанбек Төкө уулу баштаган жаштар Кеңеш айылындагы Ат-Келтир ФАПына 625 миң сомго "Тез жардам" унаасын алып беришкен.
Бул унаа демилгелүү жаштар тарабынан алынган экинчи "Тез жардам" унаасы болуп саналат.