Германиянын "Бавария" командасы Чемпиондор Лигасынын финалындагы Франциянын "ПСЖ" командасы менен боло турган оюнда, пенальтилер сериясына көңүл буруп, даярданып жатат. Бул тууралуу чет элдик басылмалар жазып чыгышты.
Маалыматка ылайык, мюнхендик команда финалдык оюндун негизги жана кошумча убактысы дагы тең чыгуу менен аяктап, пенальтилер сериясы менен жыйынтыкталарын күтүп жатышат. Оюн ушул өңүттө уланып, пенальтилер сериясы орун алса анда пенальтини Роберт Левандовский, Томас Мюллер, Мануэль Нойер, Леон Горецка, Иван Перишич, Йозуа Киммих, жана Давид Алаба аткарат. Азыркы учурда бул оюнчулар пенальтилер сериясын аткаруу үчүн машыгууда.
"Бавария" клубу Чемпиондор Лигасынын жарым финалында франциялык "Лион" командасын 3:0 эсебинде утуп, турнирдин финалына чыккан.