Орусиянын Санкт-Петербург шаарынынын Киров районунда полиция кызматкерлери эки жыл бою өспүрүм кызына карата сексуалдык мүнөздөгү аракеттерди жасап жүргөн Кыргыз жаранын кармашты. Бул тууралуу аталган өлкөнүн басылмалары жазып чыгышты.
Маалыматка ылайык, кечээ, 21-августта райондук мектептин директорунун тарбия иштери боюнча орун басары болуп иштеген 40 жаштагы аял полицияга кайрылган. Анын айтымында, 1981-жылы туулган Санкт-Петербург шаарында убактылуу катталган Кыргыз жараны, эки жылдан бери өзүнүн 15 жаштагы кызын зордуктап келген.
Полиция кызматы ошол эле күнү шектүүнү кармашкан. Азыркы учурда бул факты боюнча кылмыш иши козголуп, тергөө амалдары жүрүп жатат.