"Кыргызстан" саясий партиясынын лидери Канат Исаев эгер партия шайлоо жарышынан четтетиле турган болсо, анда ал БШКны сотко берерин бүгүн, 25-августта журналисттерге маалымат жыйын берип жаткан учурда айтты.
Айтымында, эгерде Борбордук шайлоо комиссиясы мындай чечим кабыл алса, анда шайлоо мыйзамсыз жана негизсиз болот.
"Эгер БШК бизге ыңгайсыз чечим чыгара турган болсо, анда сөзсүз юридикалык жол менен чечебиз. Анткени биздин артыбызда миңдеген шайлоочулар турат. БШКнын кандайдыр бир саясий партиялардын кызыкчылыгын көздөп, биздин партияны шайлоодон чететүүгө жол бербеш керек", - деди Исаев.