Аксыда ден соолугунун мүмкүнчүлүгү чектелген 21 адамга угуучу аппараттар тапшырылды. Бул тууралуу Эмгек жана социалдык өнүгүү министрлигинин басма сөз кызматынан билдиришти.
"Аксы райондук Эмгек жана социалдык өнүктүрүү башкармалыгында угуусу начар болгон 21 ден соолугунун мүмкүнчүлүгү чектелген адамга угуучу аппараттар тапшырылды.
Аппараттар “Ассанабил” кайрымдуулук фонду тарабынан берилип, жакынкы арада дагы 30дан ашык адамды угуучу аппарат менен камсыз кылуу пландалды", - деп айтылат маалыматта.