UFC: Кыргыз мушкери Рафаэль Физиев күчтүү делинген бразилиялык мушкер менен беттешет

"Атаман" каймана аты менен белгилүү болгон Кыргыз мушкери Рафаэль Физиев кезектеги беттешин UFC турниринин алкагында бразилиялык 31 жаштагы Ренато Мойкано менен беттешет.

Эки мушкердин беттеши 28-ноябрда АКШнын Лас-Вегас шаарында өтөт.

Ренато Мойкано карьерасында жалпы 18 беттеш өткөрсө, анын 14үндө жеңүүчү аталган (экөө нокаут менен). 3 жолу жеңилүү ызасын тартса, 1 ирет тең чыккан.

Рафаэль Физиев акыркы беттешин Абу-Даби шаарында өткөн турнирде британдык Марк Диакисеге каршы өткөрүп, калыстардын чечими менен жеңүүчү аталган. Эки мушкердин беттеши турнирдин мыктысы аталып, экөө тең 50 миң доллар кошумча акы алышкан.