Акыркы бир сутка ичинде өлкөдө дагы 28 медицина кызматкери коронавирус инфекциясын жуктуруп алганы аныкталды. Бул тууралуу саламаттыкты сактоо министринин орун басары Нурболот Үсөнбаев брифингде айтты.
Бишкек шаары - 8;
Ош шаары - 4;
Ош облусунда - 5;
Жалал-Абад облусунда - 2;
Баткен облусунда - 9.
Ал эми бир суткада 2 медицина кызматкери ооруканалардан айыгып чыгарылды. Үй карантининен 6 медкызматкер чыгарылган.
Жалпысынан республика боюнча COVID-19 диагнозу менен медицина кызматкерлери арасында – 3294 учур катталды, алардын ичинен 3029 медкызматкер айыгып чыкты.