"Netflix" сервиси рак оорусунан каза болгон Чедвик Боузманды "Оскар" сыйлыгына көрсөтөт. Бул тууралуу чет элдик маалымат каражаттары жазып чыгышты.
Актёрдун "Ма Рейни: Блюздун апасы" тасмасындагы образы "Эң мыкты эркектин ролу" номинациясында сыйлыкка көрсөтүлөт.
Аталган тасманын бет ачары 2020-жылдын 18-декабрында болот. "Кара пантера" тасмасы аркылуу калың элге таанылган актёр август айында рак оорусунан көз жумган.
Актёр 2018-жылы "Кара пантера" тасмасындагы Т'Чалла падышанын ролу үчүн "Жылдын актёру" наамын алган.