Жо Байдендин штабы президенттик шайлоодо жеңишке жетерине ишенерин билдиришти. Бул тууралуу штабдын менеджери Жен Диллон билдиргенин дүйнөлүк басылмалар жазышууда.
"Эң негизгиси Жо Байден бул шайлоодо жеңишке жетип, АКШнын президенти болоруна ишенем" деген ал онлайн маалымат жыйында.
Акыркы маалыматтар боюнча, президент Трамп шайлоочулар коллегиясынын 213, анын атаандашы, мурдагы вице-президент Жо Байден 238 добушка ээ болуп, толук жыйынтык чыга элек.
Президенттик шайлоого эки талапкер ат салышууда.
Алар 74 жаштагы учурдагы АКШ лидери Дональд Трамп жана 77 жаштагы мурдагы вице-президент Жо Байден.