super.kg logo

Өкмөт башчынын милдетин аткаруучу экономикалык процесстердин динамикасын активдештирүү керектигин айтты

 

"Экономикалык өнүгүү темптеринин төмөндөшүн жайлатуу иретинде экономикалык процесстердин динамикасын активдештирүү зарыл", - деп премьер-министрдин милдетин аткаруучу Артём Новиков мамлекеттик программаларды каржылоо маселеси боюнча кеңешмеде билдирди.

"2020-жыл экономикалык өсүштү стимулдаштыруу боюнча өкмөттүн программасына олуттуу түзөтүүлөрдү киргизди. Бул бизге экономикалык өнүгүү үчүн туруктуу базаны түзүүдө өз ишибизди активдештирүү канчалык деңгээлде зарыл экендигин дагы бир жолу далилдейт. Мисалга, «Ишкерлик субъектилерин каржылоо» программасы боюнча каржылоо көлөмдөрүн кеңейтүү зарыл деп эсептейм. Жалпыбызга белгилүү болгондой, бюджеттин мүмкүнчүлүктөрү буга жол бербейт, бирок башка жолубуз бар, мында өнүктүрүү боюнча өнөктөштөр менен диалогду активдештирүү кажет", - деди Новиков.

Ошондой эле ал «Кепилдик фонд» ААК уставдык капиталын жогорулатуу зарылдыгын белгиледи.

"Буга катар лизинг операцияларын активдештирүү боюнча милдет турат. Биз 2020-жылдын соңуна чейин Кыргыз-Орус өнүктүрүү фондунун жардамы аркылуу «Айылбанк» ААК лизинг портфелин кошуу менен өз уставдык капиталына ээ лизинг компаниясын түзүүнү пландаштыруудабыз. Бүгүнкү күндө бул милдет – актуалдуу. Декабрь айында 2021-2022-жылдарга 4,5 миллиард сом суммасындагы лизинг портфели боюнча болжол түзүү мүмкүн болот деп эсептейм. Ипотекалык насыялоонун темпи да жайлап калды. Бул дагы бюджеттин абалына байланыштуу. Калкка ишибиздин реалдуу натыйжасын көрсөтүү аркылуу зарыл долбоорлорду ишке ашырууну жандандыруу боюнча милдеттерди чечүү маанилүү болуп эсептелет", - деп жыйынтыктады премьер-министрдин милдетин аткаруучу.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
155727;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: