super.kg logo

Тажикстанда коопсуздук үчүн шаардагы жолбун иттерди атууга буйрук берилди

 

Тажикстандын Бохтар шаарында көчөдөгү жолбун иттерди атууга буйрук берилди. Бул тууралуу аталган өлкөнүн басылмалары жазып чыгышты.

Тажикстанда буга чейин өлкөнүн социалдык тармактарында массалык түрдө өлтүрүлгөн жолбун иттерди өрттөө тууралуу тараган маалымат талкууга алынган. Хатлон шаарынын администрациясынын башчысы Зафар Гиёсов маалыматты тастыктап, шаардын коммуналдык кызматтары калктын коопсуздугу үчүн жолбун иттерди атып жатышкандыгын билдирген.

"Бизде башка жол жок. Шаар тургундарына жана балдарга иттердин кол салгандыгы тууралуу шаар мэриясына жана Ички иштер министрлигине арыздар түшүүдө. Ошондой эле айылдардын төрагалары бизден жолбун иттерди жок кылууну өтүнүшүүдө", - деп түшүндүргөн Гиёсов.

Жолбун иттерди атып өлтүрүү боюнча атайын уюшулган комиссиянын негизинде жалпы 12 мергенчи дайындалган. Алар операция жүргүзүлө турган аймакка бир күн мурда эскертүү беришип, эртең менен саат 04:00дө жолбун иттерди атып башташат. Бул көрүнүшкө өлкөнүн жарандары каршылаш пикирлерин билдиришүүдө. Өлкөдө буга чейин жалпы 703 жолбун ит өлтүрүлгөн. Учурда Тажикстанда камкор адамдардын жеке каражаты менен ачылган жолбун иттерге убактылуу баш калкалоочу жайлардын бир, экөө гана бар экендиги жазылган маалыматта.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 2 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
160102;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: