super.kg logo

Молдованын президенти чет өлкөгө болгон алгачкы сапарына учак менен эмес, унаа менен барды

 

Молдованын президенти Майя Санду алгачкы расмий визит менен Украинага барды. Көпчүлүктүн көңүлүн бурганы Сандунун чет өлкөгө болгон сапарына учак менен эмес, унаа менен барганы болду. Бул тууралуу чэт элдик басылмалар жазышууда.

Маалыматка ылайык, президенттин катчысы Сарина Штефирцанын айтымында, Молдова делегациясы Киевге учакта эмес, азыраак каражат коротулушу үчүн унаа менен жөнөгөн. Мындан тышкары, катчы бул пандемия учурундагы ыңгайлуу аракет болгонун белгилеген.

"Украина менен Молдова өкүлдөрүнүн расмий учурашуусу 12-январга белгиленген. Санду визит алкагында Украина президенти Владимир Зеленский, өкмөт башчы Денис Шмигал жана парламент спикери Дмитрий Разумков менен жолугушуу өткөрөт. Молдова делегациясынын курамында Сандудан тышкары дагы 9 адам бар. Ал эми Молдова менен Украинанын бийлиги 2015-жылдан бери расмий жолугушуу өткөргөн эмес. Кишинёв менен Киевдин аралыгы 470 километрге жакын", - деп жазылат маалыматта.

Эске салсак, Санду Молдовада 2020-жылы ноябрда өткөн шайлоодо жеңишке жетип, 24-декабрдан тарта президенттик кызматка киришкен. Буга чейин жаңы шайланган президент өз батиринде каларын айтып, мамлекеттиик резиденцияда жашагандан баш тартканы мактоого татыган болчу.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 4 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
159559;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: