super.kg logo

3 баланы тарбиялап жаткан жалгыз бой эне: "1 жарым жаштагы уулум кандын рагы дартына чалдыгып, кайрымдуу элден жардам суроого аргасызмын"

 
1 жарым жашар Али балалыктын бактылуу учурларын ооруканада оору менен алышып өткөрүп жаткан чагы. Учурда ал Бишкектеги балдар онкологиясында дарыланууда. Ага 4 ай мурда кандын рагы деген диагноз коюлган. Ага чейин да наристе бир нече илдет менен алышып келген. Алинин дартын дарылоо үчүн аны чет өлкөгө алып баруу керек, бирок ага көп суммадагы акча талап кыларын апасы айтат.

Операцияга 70 миң АКШ доллары керек...

- Үч балам бар. Али эң кенжеси. Төрөлгөндө жакшы эле төрөлгөн, кийин бир жак тарабы иштебей ДЦП экенин билдик. Төрт ай мурда дарыгерлер кандын рагы деген диагноз коюшту. Аны биздин өлкөдө дарылоо мүмкүн эмес экен. Чет жакка алып баргыла деди. Ал жакка алып баруу үчүн операцияга 70 миң АКШ долларын табышыбыз керек. Өзүмдө мындай сумма жоктугунан улам кайрымдуу элден жардам суроого аргасыз болдум.

Жалгыз бой эне үч баласы менен батирде жашайт

- Кесибим боюнча мугалиммин. Бирок балам ооругандан бери такыр иштей албай калдым. Себеби ооруканага көп жатабыз. Үч балам бар, эки уул, бир кыз. Жолдошум менен Али боюмда бар кезде ажырашып кеткенбиз. Ошол боюнча эч кандай жардам деле берген жок. Алинин оорусу тууралуу деле айткам. Бирок келип көрүп койгонго жарабады. Балдарым менен ижарада батирде жашайм. Учурда ата-энем, жакындарым каралашып турат.

Алиге агасы же эжеси донор болот...

- Алиге бир туугандары донор болот. Кызым 5 жашта, уулум 3тө. Эгер алардын каны туура келбей калса донор таап, аны сатып алууга туура келет экен. Туура келбей калса сатып алганыбыз менен, 150 миң доллардай акча керек болуп калат экен. Издеген каражатыбыз чогулуп, бир туугандарынын эле каны туура келип калса экен деп тилеп жатам.

Кайрымдуу адамдардын жардамына муктажбыз...

- Балаң ооруп, кыйналып турса жардам бере албаганыңдан өткөн оор нерсе жок экен. Оорусун өзүңө алгың келет, бирок колдон келбейт экен да. Оорусунан айыгып, башка балдардай болуп эле ойноп-күлүп чоңойсо деп тилейм. "Көп түкүрсө көл болот" дейт эмеспи, кайрымдуу адамдар көп деп ойлойм. Жок дегенде 20, 50 сомдон болсо да балама жардам берүүңүздөрдү өтүнөм.
Алиге жардам берүүнү каалагандар үчүн реквизиттер: Элкарт: 9417039449583828 MBank, Элсом : 0700 09 16 23
Түркиядан жардам берүүнү каалагандар үчүн: TR: 320001200124300001153816 USD: 84080000985





1,5 жашар Али 4 айдан бери кандын рагы менен алышып келет

Автор: Гүлзада Абдырахманова
Оператор: Элчибек Кыштообаев
 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(4)
13.01.2021. 10:31 
Тайпасы:
Жаран
Комментарийлердин саны:
229
Катталган:
21-10-2015
Соӊку аракети:
16-01-2021 16:30
Жынысы:
Белгисиз
+2
Кайрымдуу жандар жардам кылып коелу
13.01.2021. 10:51 
Тайпасы:
Жаран
Комментарийлердин саны:
62
Катталган:
02-09-2020
Соӊку аракети:
17-01-2021 01:14
Жынысы:
Белгисиз
-2
Жараткан Тенирим ден соолук берсин
13.01.2021. 10:52 
Тайпасы:
Жаран
Комментарийлердин саны:
44
Катталган:
01-05-2018
Соӊку аракети:
16-01-2021 22:48
Жынысы:
Белгисиз
+1
Chiraktay bolgon sopsonun bala eken. Koldon kelishinche jardam bereli. Sakayip kelechekte mekenibizdi butka turguzchu bala ushul bolup jurbosun.
13.01.2021. 11:01 
Тайпасы:
Жаран
Комментарийлердин саны:
785
Катталган:
19-04-2014
Соӊку аракети:
16-01-2021 16:40
Жынысы:
Белгисиз
Калаасы:
Ala-Buka
+1
Россиядагылар учун да сбербанк ачтыргылачы
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 2 колдонуучу (Катталган: 0, коноктор: 2) бул кабарды окуду:

Кабарлардын саны:
159262;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: