Саламаттыкты сактоо министрлиги баллон жана желим баштык менен муз тебүүдө коркунучтар көп экенин эскертет. Бул тууралуу министрликтин басма сөз кызматынан билдиришти.
Маалыматка ылайык, министрлик муз тебүүгө барып, жаракат алып ооруканага түшкөндөр көп экенин айтат.
"Муз тебүүдө көбүнчө омурткалар жабыркап, бул келечекте майыптыкка алып келиши мүмкүн. Бишкек шаардык травматология жана ортопедия илимий изилдөө борборунун маалыматы боюнча, бүгүнкү күндө эс алуудан ар кандай жаракаттарды алган 120 бейтап дарыланууда. Алардын көпчүлүгү баллон жана желим баштык менен муз тебишкен", - деп жазылат маалыматта.