Лондондо музейдин алдында Дональд Трамптын келбетине окшоштурулуп жасалган чоң желим фигура пайда болду

Улуу Британиянын борбору Лондондо жайгашкан музейдин алдында Дональд Трамптын келбетине окшоштурулуп жасалган чоң желим фигура пайда болду. Бул тууралуу чет элдик басылмалар жазып чыгышты.

Маалыматка ылайык, президент Дональд Трамптын келбетине окшоштурулуп жасалган фигура саясатчынын колунда телефону бар ыйлап жаткан наристе катары сүрөттөлөт.

Музейдин директору Шарон Амент Трамптын келбетине окшоштурулуп жасалган желим экспонатты нааразычылык акциясына арналган коллекцияга толуктоо үчүн кубаныч менен кабыл аларын билдирди.

Белгилей кетсек, Дональд Трамп бүгүн, 20-январда президенттик кызматын Жо Байденге өткөрүп бере тургандыгы маалымдалган.