Залкар менен бир өмүр. Эл жазуучусу Төлөгөн Касымбековдун жубайы андан асыл туяк калганын айтып эскерет (видео)
Кыргыз Республикасынын Баатыры, Эл жазуучусу, мурдагы депутат Төлөгөн Касымбеков көзү тирүү болгондо 15-январда 90 жашка толмок. Тарыхый баяндардын устаты болгон Касымбеков кыргызга бир өмүрүн арнаган инсан. 2021-жылдын 15-январында “Манас” жана Чыңгыз Айтматов Улуттук академиясында Кыргыз адабиятынын классиги Төлөгөн Касымбековдун 90 жылдыгына арналган “Төлөгөн Касымбеков – Кыргыз тарыхый романтикасынын залкары” аттуу эл аралык илимий-тажрыйбалык конференция болду.
Мындан сырткары залкардын туулган күнүнө карата бир канча илимий жыйындар уюштурулуп, жазуучу эскерилди. Ал эми баяндамачы Байма Сутенова көрсөтүүсүнө каарман кылып Эл баатырынын жубайы Элмира Касымбекова менен маек курган. Анда жазуучунун жубайы Төлөгөн Касымбеков менен жашаган 11 жылдын негизги учкай учурларын айтып берген. Айрыкча ал 35 жашында 70 жаштагы Төлөгөн Касымбековго турмушка чыгып, андан асыл туяк калганын узун сабак кылып, сөздүн сөөлүнө чыгарып кеп салган.
“Мен боюма бүтүп, балалуу болом деген ой үч уктасам түшүмө кирген эмес. Анан мен ооруй бердим, жаман оюмда мени ооруйт экен деп жеткирип коёт деген ой кетти. Менде жалгыз бөйрөк, төрөгөнгө мүмкүн эмес. Ушундай жаш куракта боюмда болот деп эч ойлогон жокмун. Дүкөн кыдырып келип, үйгө келип жатып калдым. Түнкү саат 2 болуп, жаным көзүмө көрүнө баштады. "Тез жардам" чакырам десе, макул болгон жокмун. Жаным жай алып, бир аз тынчып калдым. Дааратканга барсам эле бирдемке "булк" деп чыгып кетти. Ал жакка барсам эле көзүмө бир көз көрүндү. Көрөрүм менен чаңырыкты салдым. Анан эле тиги киши атып эле кирип келди. Ошентип эжемди чакыртты, көрсө боюмдан түшүптүр. Анан ысымын коюп, көмүп койдук. Оорум токтойбу десем, жок, түндүн бир убагында баягы оору кайра башталды. Ал күн дем алыш болуп, биринчи күнгө чейин чыдадым. Анан биринчи күнү УЗИге бардык. Барсак алар "сиздин боюңузда бар" дейт. Анан врачка "сиздин билимиңиз жок экен, кечээ боюмдан түшүп турса, анан кайдан боюмда бар болот? Уюп калган канды билбей бала деп жатасыз" дедим. Анда ал "мына жүрөгү согуп, дем алып жатат" дейт. Андан соң ишенбей, 3-4 УЗИге барсак, баары эле боюңузда бар дешти. Көрсө эгиздер экен, алардын бирөөсү түшүп, Асылбегим калыптыр”, - деген Касымбековдун жубайы.
Маекти толугу менен төмөндө видеодон көрүңүз.
Кыскача өмүр баяны
Эл жазуучусу Төлөгөн Касымбеков Аксы районундагы Ак-Жол кыштагында 1931-жылы 15-январда туулган. Орто мектепти бүтүп, эки жыл баштапкы мектептерде мугалим, Кичи-Ак-Жол айылдык советинин жооптуу катчысы болуп иштеген.
1980-жылы айрым чыгармалары үчүн Кыргызстан Компартиясынын идеологдору тарабынан жазыксыз кодуланган.
Башталгыч класстар мугалими жана Ак-Жол айылдык советинин жооптуу секретары болуп иштеген.
1952 – жылы «Кичинекей жылкычы» аттуу чыгармасы «Советтик Кыргызстан» журналында биринчи жолу жарыкка чыккан. «Адам болгум келет» аттуу повести 1965 – жылы орус тилинде жарык кɵргɵн. Жазуучунун эң маанилγγ чыгармаларынын бири болуп «Сынган кылыч» эсептелинет (1971), ал 1980 – жылы англис тилине которулган. Башка чыгармаларынын арасында Кыргызстандын тарыхын ХIХ – кылымдын ортосунан баштап ХХ – кылымдын башына чейин баяндаган «Келкел», «Чапкын», «Баскын», «Кыргын» деген романдарын да атап ɵтсɵк болот.
Азаматсыз эже залкардын залкар жубайы экенсиз алкоого арзырлык жубай экенсиз
+10
Haanykeim
2021-01-23 10:11:12
Эң сонун маек болуптур.Сүйлөшкөн сайын сүйлөшкүң келет экен бул жакта олтуруп ушул нерсеге ынандым.Өмүрүңүз узун болсун Элмира Касымбекова..
+6
Rusi79
2021-01-24 11:47:19
Сынган кылыч, Келкел окуп бутуп кайра баштан окугун келет.Залкар олуя адам болгондой китепте жазганы негедир азыр деле кайталанып жаткандай.Заман эле озгорбосо адамдар ошол эле бойдон,жеке кызыкчылыгын элден жогору койгондор,бузукулук,ушак,диний фанатизм,ошол эле кезде алдыдагы жакшы жашоого чон умут.
+1
JaneEr
2021-01-24 12:08:09
Мен эн баалаган жазуучум.Аябай сонун романдарды жазган,талантына таазим...
+1
ainura220888
2021-01-24 18:50:22
Соонун эже экен. 2 болугун тен эсим ооп кордум
0
alym21
2021-01-24 19:11:32
Мындан башкада биринчи жубайы жонундо да айта кетсенер.Ал жубайы менен жашаганда эмне деген чыгармаларды жазган.Ошол жубайынын колдоосу,балдарды тарбыялап,уй жайды зымылдтып турганы ушунун баары ошол чыгармалардын жаралышына шарт тузгон болсо керек.
0
Комментарий калтыруу үчүн өз ысымыңыз менен кириңиз же каттоодон өтүңүз.
