Конституциянын жаңы долбоору боюнча аткаминерлер чет өлкөлүк банктарга каражат сактоого тыюу салынат

Конституциянын жаңы долбоору боюнча аткаминерлер чет өлкөлүк банктарга каражат сактоого тыюу салынат. Бул тууралуу бүгүн, 26-январда өткөн конституциялык кеңешменин жыйынында айтылды.

Белгилүү болгондой, жаңы Конституциянын долбоорунун 43-беренесине ылайык, мамлекеттик кызматты ээлеген адамдар чет өлкөнүн банктарына эсеп ачууга, акча каражаттарын же баалуу буюмдарын сактоого тыюу салынат.

Бул беренеге акыйкатчы Токон Мамытов, Жогорку Кеңештин депутаты Умбеталы Кыдыралиев жана эксперт Нурлан Шерипов каршы чыгышты. Добуш берүүдө көпчүлүк конституциялык кеңешменин мүчөлөрүнүн добушу менен аталган беренени калтыруу чечилип, бирок мыйзам толукталмай болду.

Президенттин милдетин аткаруучу, Жогорку Кеңештин төрагасы Талант Мамытов 20-ноябрда Конституциялык кеңешме түзүү боюнча жарлыкка кол койгон. Кеңешменин курамына илимий чөйрөнүн, жарандык коомдун, өкмөттүк эмес уюмдардын өкүлдөрү, укук таануучулар, депутаттар, эксперттер жана башкалар кирип, Кыргыз-Орус Славян университетинин эл аралык конституциялык укук кафедрасынын жетекчиси, юридика илимдеринин доктору, профессор Бекбосун Бөрүбашев жетектеген.

17:45 26-01-2021

Автор: Бекболот Сарыбаев

Жазылуу

РУБРИКАДАГЫ СОҢКУ КАБАРЛАР

17:32 2024-04-20 | Саясат

Өкмөт башчы АКШда Apple Inc. компаниясынын башкы кеңсесинде болду 80 0

17:08 2024-04-20 | Спорт

Мээрим Жуманазарова мурдун каната сүзгөн казак балбанын жеңди 348 0

15:28 2024-04-20 | Коом жана турмуш

Москвада кароосуз калган 5 ымыркай Бишкекке алып келинди 533 0

14:52 2024-04-20 | Коом жана турмуш

Мамлекет башчы Орок айылындагы жаңы футбол стадионунун курулуш иштери менен таанышты 644 0

12:57 2024-04-20 | Коом жана турмуш

23-апрелде Бишкек шаарынын бир бөлүгүндө таза суу берүү өчүрүлөт 375 0

12:37 2024-04-20 | Коом жана турмуш

Садыр Жапаров оңдоодон өткөн Гареев атындагы Ботаникалык бакка барды 836 0

Архив

Комментарийлер (2)

NURSAPAR

2021-01-26 18:04:04

Өтө жакшы маселе. Дагы балдарын да чет өлкөдө окутпаш керек, ошондо өзүбүздүн билим берүү системасына көңүл бурушат. Эң жакшы саамалык. Кош колдоп колдойбуз.

Qwer007

2021-01-26 19:10:29

Ураа

Комментарий калтыруу үчүн өз ысымыңыз менен кириңиз же каттоодон өтүңүз.