Жогорку Сот: "Акыркы учурда УКМКнын тараткан маалыматтары сот тутумуна болгон ишенимге доо кетирип жатат"

Жогорку Сот акыркы учурда УКМКнын сот бийлигинин өкүлдөрү мыйзамсыз иш-аракеттерди жасады деп айыптаган маалыматтары боюнча билдирүү жасады.

Анда айтылгандай, Улуттук коопсуздук боюнча мамлекеттик комитеттин сот бийлигинин өкүлдөрүн фактылар менен тастыкталбаган мыйзамсыз иш-аракеттерге айыптап жатканы сот тутумунун ишенимине доо кетирди.

"Чындыгында, 2020-жылдын февраль айында Жогорку Соттун төрайымы Гүлбара Калиева соттолуучуга карата этикага сыйбаган жүрүм-туруму боюнча Свердлов райондук сотунун судьясына карата тартип комиссиясына сунуш киргизген. Судьянын видеосу социалдык тармакка жарыяланып, колдонуучулар арасында кызуу талкуу жараткан. Бул учурда Жогорку Соттун төрайымы мыйзамдын чегинде катуу иш алып барган.

Гүлбара Калиева Бишкек шаарынын Свердлов райондук сотунун судьясы катышкан сот отурумундагы видеонун жайылып кетиши боюнча комиссия түзгөн. Комиссиянын тыянагына ылайык, социалдык тармакка жарыяланган видео түз алып көрсөтүү аркылуу тарап кеткен.

Техникалык адистердин корутундусу боюнча, видео уруксатсыз кирүүнүн изин таба албаган эки жерден алганга мүмкүн дешкен. Ошол эле учурда адистер И.Ж.Б.нын кеңсесинен далилдерди таба алышкан эмес. Ошондуктан эки башка мазмундагы жана мүнөздөгү маселени аралаштыруу аракети Жогорку Соттун төрайымы кызматтык иликтөөнүн материалдарын жашырды деген билдирүү негизсиз", - деп айтылат билдирүүдө.