реклама
super.kg logo

"Чечимдерибиз эл тарабынан туура кабылданып, колдоо табат деп ишенемин". Премьер-министр кайрылуу жасады

 

Премьер-министр Улукбек Марипов Кыргыз өлкөсүнүн жарандарына кайрылуу жасады. Бул тууралуу өкмөттүн басма сөз кызматынан билдиришти.

"Президент Садыр Жапаров быйылкы жылдын 29-январында “Мамлекеттик жаңы кадр саясаты жөнүндө” жарлыкка кол койду. Президентибиздин башкы тапшырмасы – кадрларды тандоо системасын жана практикасын кардиналдуу өзгөртүү.

Муну ишке ашыруу үчүн биринчи этапта системалуу түрдө (мезгил-мезгили менен) бардык райондук мамлекеттик администрациялардын башчылары-акимдер жана алардын орун басарлары аттестациядан өткөрүлөт. Ошондой эле кадрларды – акимдерди ротациялоо принциби ишке киргизилет, же район акимдери башка райондордон дайындалат.

Бул иштердин башкы максаты:

- элдин ынтымагын бекемдөө;

- мамлекеттик кызматта түндүк-түштүк деген түшүнүктөн арылуу;

- кадрдык трайбализм, кландуулук оорусун түп-тамырынан бери жок кылуу;

- “тааныш-билиштердин” мамлекеттик башкаруу кызматтарына келишин токтотуу;

- жеке кызыкчылыктардын кагылышуусунун алдын алуу, айрыкча инвесторлор менен жергиликтүү калктын ортосундагы келишпестиктерди болтурбоо;

- системага айланган коррупциялык схемаларды жок кылуу.

Муну менен биз жер-жерлердеги жетекчилерди натыйжага жана сапатка иштөөгө түрткү беребиз.

Дагы бир жолу баса белгилеп кетейин: биз бир ууч эле элбиз. Бизге бекем ынтымак гана керек!

Аттестациялоо иштери өтө жакынкы күндөрү башталат, таза, ачык-айкын, акыйкат жана бирдей шарттарда өткөрүлөт. Бардык иштер жаап-жашырылбастан элдин көз алдында, коомчулуктун катышуусунда өтөт.

Кыргыз Республикасынын президентинин жарлыгынын алкагында жана менин тапшырмамдын негизинде аттестациялык комиссиянын курамы түзүлүүдө. Ага район жана облустардын мурдагы абройлуу жетекчилери, ар түрдүү региондон мамлекеттик жана муниципалдык кызматтын ардагерлери кирет.

Ротациялоо практикасы укук коргоо органдарынын ишинде активдүү колдонулуп келет. Мунун жакшы жагы – райондук эле эмес, республикалык масштабдагы адистердин калыптанышында жакшы натыйжаларды берүүдө.

Мындай кадам өлкө саясатын ишке ашырууга жөндөмдүү, жогорку квалификациялуу кадрлардын күчтүү резервин түптөөдө негизги өзөктөрдүн бири болот. Аттестациядан ийгиликтүү өткөн мамлекеттик администрациялардын башчылары жана анын орун басарлары карьералык баскычка көтөрүлүүдө негизги талапкерлердин бири катары каралат.

Бул чечимдерибиз эл тарабынан туура кабылданып, колдоо табат деп ишенемин.

Мен өз өлкөмдүн патриот уулу жана Кыргыз Республикасынын премьер-министри катары аймактарга өз ишин мыкты билген профессионалдар келишине абдан кызыкдармын! Биз күчтүү Кыргыз өлкөсүн бирге курабыз деп бекем ишенем!",- деп жазылат кайрылууда.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 2 
Комментарийлер(4)
22.02.2021. 18:58 
Тайпасы:
Жаран
Комментарийлердин саны:
91
Катталган:
06-03-2016
Соӊку аракети:
07-03-2021 11:24
Жынысы:
Белгисиз
+2
Ошондой эле болсунчу ылайым
22.02.2021. 20:07 
Тайпасы:
Жаран
Комментарийлердин саны:
71
Катталган:
17-09-2020
Соӊку аракети:
07-03-2021 19:22
Жынысы:
Белгисиз
+2
6млн адамга жагыш кыйын, чындап эл учун кызмат кылам десен, сынчыларга конул бурбай алдыга аракет кыла бер, ийгилик каалайбыз
22.02.2021. 21:16 
Тайпасы:
Жаран
Комментарийлердин саны:
32
Катталган:
17-05-2016
Соӊку аракети:
07-03-2021 19:09
Жынысы:
Белгисиз
0
Атасынын баласы да бул.
22.02.2021. 22:54 
Тайпасы:
Жаран
Комментарийлердин саны:
37
Катталган:
23-09-2020
Соӊку аракети:
08-03-2021 10:20
Жынысы:
Белгисиз
+1
Атасынын баласы эмес элдин баласы бол
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
162815;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: