Жалал-Абад облусунун Ноокен райондук прокуратурасы ата-энелер кеңешинин төрагаларынын, аксакалдар сотторунун жана социалдык коргоо кызматкерлеринин катышуусунда жыйын өткөрдү. Бул тууралуу Жалал-Абад облустук прокуратурасынан маалымдалды.
Маалыматка ылайык, иш-чара 2-март күнү Башкы прокуратуранын жана облустук прокуратуранын коллегияларынын чечимдерин ишке ашыруу максатында Ноокен районунун аймагында үй-бүлөлүк зордук- зомбулуктун алдын алуу жана мүмкүнчүлүгү чектелген жарандардын укугун коргоо боюнча өткөн.
Аталган иш-чаранын алкагында, жыйындын катышуучулары тарабынан азыркы күндө актуалдуу болуп жаткан үй-бүлөлүк зордук-зомбулук боюнча суроолор талкууланып, алдын алуу боюнча иш-чараларды өткөрүп туруу жагы талкууланды.
Жыйындын катышуучулары жолугушууну уюштурган Ноокен райондук прокуратурасына ыраазычылыктарын билдиришип, мындан ары дагы ушундай иш-чараларды өткөрүп туруу сунушун киргизишти.