Кыргыз-Тажик чек арасында жер титирөө катталды. Бул тууралуу Сейсмология институтунун басма сөз кызматынан билдиришти.
"6-март күнү жергиликтүү убакыт боюнча 14:14тө Кыргыз-Тажик чек арасында эпицентринде күчү 4 баллга жакын болгон жер титирөө катталды. Жер титирөөнүн очогу Ачык-Суу айылынан түштүк-чыгышка карай 32 чакырым алыстыкта жайгашкан Транс-Алай тоо кыркаларында орун алды", - деп айтылат маалыматта.