ЖЫЛНААМА, 30-МАРТ: "Туулган күнүмдү куттуктап келгендерди өзүм жасаган тамактар менен коноктодум". Ырчы Аяна Касымова 22 жашка чыкты

Бүгүн, 30-мартта белгилүү ырчы Аяна Касымова 22 жашка толду. Туулган күнүн түнкү саат 00:00дө белгилей баштаганын айткан ырчы, досторуна, ата-энесине ыраазычылыгын билдирди.

"Туулган күнүмдү эң жакшы маанайда үй-бүлөм, досторум менен тосуп жатам. Түнкү саат 12:00дө досторум куттуктап келишти. Аларды өзүм жасаган торт, салаттар менен коноктодум. Эң башкысы элибизде аманчылык болсун. Калганын аракет кылып жасап алабыз", - деди ырчы.

Аяна Касымова Бишкек шаарында 1999-жылы ушул күнү чыгармачыл адамдардын үй-бүлөсүндө төрөлгөн. Ырчы 3 жашынан баштап "Ак Шоола" балдар хоруна барган. Аяна Касымова ырчы Айыма Айылчиева менен биргеликте "Атам менен энеме" жана өзү "Сүрөтүңө" ырларын жаңыртып ырдагандан кийин жалпы коомчулукка таанылган.

Аяна Касымова буга чейин Селин Дион сыяктуу популярдуу ырчылардын ырларын камтыган биринчи альбомун чыгарган.

30-мартка карата жылнаама.